நினைவுகள். நிகழ்வுகள்

நெருடல்

2009-08-16T22:16:00.002+06:00

நெருடல் !

கொஞ்சம் வானம்.
சிறிது வெளிச்சம்
நிறைய தேநீர்
நீளும் இரவு,
பாதி நிலவு,

என்னவளுடன் தொடரும்
நீண்ட அலைகளாய்
அலைபேசி வார்த்தைகள்
காற்றில் உலவ,

மின்னல் மெளனம்
என்னவளிடம் சொல்லாத
என் கடைசிக் காதலியின் நினைவில்
தடக் தடக் என்று
இதயத்தில் வலி
ரயில் கடந்த
பின் தொடர்ந்த ஓலி போல் ! !

மழையும் அவளும் !

2009-07-01T02:38:00.002+06:00

மென்மையாய் மெதுவாய்
சாரலாய் ஓரு ஓரமாய்
சிறு தூறலாய்
தென்றலும் முகில்கூட்டமும்
முந்தி அடித்துச்
சிதறி தரை
இறங்கி வர ஆரம்பித்தன
அவளைக் காண !

மண்ணுக்குச் செல்ல இருந்த
மழைத் தூறல்களை அவள் விரல்களால்
விண்ணுக்கு அனுப்பி இருந்தாள்.

பூமியில் பட்டுச் சிதறிய
துளிகள் அவள்
புவியிர்ப்பு விசை மீறி அவள்
விரலிர்ப்பில் எம்பிக் குதித்தன.

கடற்கரைக்குச் செல்வோம் என்றவளை
அலைகள் உன்னைத்
தேடி ஓடி வரும்
சுனாமி செய்து விடும்
வேண்டாம் என்றேன்.

மோட்சம் பெற்ற சில தூறல்களை
என் மேல் வீசி ஏறிந்தாள்.
மழையை நனைத்தவள் !

பூமித்தாயும் நிலாக்குழந்தையும் !

2008-12-19T02:04:00.006+06:00

கற்பனை காமெடி என் கூட வளர்ந்தது அடங்காதது..!
பூமித்தாயும் நிலாக்குழந்தையும் ஒரு கற்பனை !! பொறுமையாப் படிங்க..

நிலா:ம்மா ம்மா..
பூமி:ஏன் லட்டு ஏண்டி அழறே?
அங்க பாரும்மா ! அந்த குண்டம்மா பிள்ளைட்ட என்னைப்
பார்த்து பூச்சாண்டி பூச்சாண்டின்னு சொல்லி சாப்பாடு குடுக்கிறா.
நான் என்ன கருப்பவா இருக்கேன்?
என் செல்லம் நீ சிவப்புடி..
இரு குண்டம்மாவ தள்ளி விடுறேன்..

எம்மா எம்மா ! நான் படிக்கணும் ஊரச் சுத்தணும்.

படிக்கணுமா? அடியே படிச்சவனப் பாரு.
என் அடிமடில அணுகுண்டத் தூக்கிப் போட்டுப் பார்க்கிறான்.
இந்தப் பக்கம் ஓண்ணு(USA) அந்தப் பக்கம் ஓண்ணு.(China)
எல்லா இடத்திலயும் படிக்காதவன் ஒழுங்கா பயிர் வளக்கிறான்..

ஏம்மா அந்தா சட்டை போடதவர் என்ன பண்றார்?
அவரும் படிச்சவர் தான.
அவாள் ஹோமம் பண்றாரளாம் என் சட்டை ஓட்டைய(oozone)
அடைக்கிறாளம்.அதுவும் A/C போட்ட ரூம்ல Undergroundல இருந்து..(Boston Lakshmi Temple) அபிஷ்டு உங்க வேலையைச் சேமமாப் பாருங்கோன்னா. என் சட்டைய நான் பார்த்திக்கிறேன்

அடியே ,பூமில இருக்கிறது, அவனுங்க போடறதில இருந்து
எல்லாத்தையும் தின்றுவேன் ! ஆனா இந்த பசங்க
என்ட இருந்து பாலித்தின்னு கண்டுபிடிச்சு என்னையே
பல வருசத்துக்கு confuse பண்றானுங்க.

அவன் வீட்ல டிவி பார்க்கிறதுக்கு நம்ம வாசல்ல லட்சம் மைல் தாண்டி Satellite வைப்பான்.

ஏதோ அற்ப ஆயுசுப்பசங்கன்னு விட்டு வைக்கிறேன்.

படிச்சால இந்த பிரச்சனை கண்ணு.விளாங்காமப் போயிடுவா.
அதனால சமத்தா சுத்திக்கிட்டு இருப்பியாம்.

அம்மா உனக்கு பகல்ல தாலட்டுப் பாடுவேனாம் தூங்குவியாம்..

எம்மா என்னை ஏன் பகல்ல அப்பா மறைச்சுடுறார்?

இந்த பூமில இருக்கவ கண்ணு எல்லாம் கொள்ளிக் கண்ணு
சும்மாவே முழுசா இருக்க உன்னை தேய்நிலா,வளர்நிலா
சொல்லுவானங்க.போதக்குறைக்கு பாட்டி வடை சூடுறல இருந்து
தமிழ் சினிமாப் பாட்டில உன்னை விட்டா எதுவும் கிடையாது..

இந்த வாலுப் பையன்(comets) என்னை எப்பப் பார்த்தாலும் sight அடிக்கிறான்.
உங்க அப்பாட்ட சொல்றேன் ,ஒழுங்கா வாலச் சுருட்டி பின்னாடி போவான்.

ஏம்மா ! நான் மட்டும் குண்டு சட்டில குதிரை ஓட்டுறேன்.
இருந்தாலும் இந்த பொடிப்பசங்க(human) பக்கத்து மாமா செவ்வாயா பார்க்காப் போறாங்க.

குண்டு சட்டில ஓட்டலடி ! உங்க அப்பாவோட சேர்ந்து நம்ம எல்லாரும்
புதுப் புது இடம் பார்த்துக்கிட்டு இருக்கோம்.!

atleast பக்கத்தில Andremedha Galaxy or சனிப் பையன் Titaana look விட்டு வர்றேன்.

அடி சண்டாளி ! நானே வழி தெரியாம இந்த மனுசனுக்கு வாக்கப் பட்டு
உன்னை பெத்துப் போட்டு சுத்திக்கிட்டு இருக்கேன்..
கொழுகொழுன்னு இருந்து ஓடி ஓடி மெலிஞ்சுட்டேன் !
லட்டு ! நீ இந்த அண்டத்தில போனினா பூந்தியாப் போய் சீரழிஞ்சு சின்னா பின்னமா சிதறிருவ இது பாதாள உலகம். உங்க நைனா(sun) கூட கண்டுபிடிக்க முடியாது.

எப்படியும் கொஞ்ச நாளில என்னையே தூக்கி கொஞ்சம் நகட்டி வைச்சுடுவானுங்க ! அப்புறம் உன்னையும் என் கண்ணுக்குப் பக்கத்தில வச்சுறுவானங்க.

ஏம்மா?
அதுவா இப்ப இரவுல இருட்டா இருக்கா அதனால கொஞ்சம் தள்ளிவச்சா எப்பப் பார்த்தாலும் பகலா இருக்கும்ல ! Current தேவையில்லை..!

இங்க பாரு Recessionla benchla உங்காத்து இருக்கவன் லொள்ள,
இவரு சும்மா இல்லையாம்,பூமியோட சேர்ந்து 400மைல் வேகத்தில ஓடி ரவுண்டு அடிக்கிறராம்.அடி செருப்பால ! .நான் தாண்டா உனக்கு சோறு போட்டு உலகத்தைச் சுத்திக் காட்டுறேன்.

மக்களே சத்தியாம நான் பெஞ்சல இல்ல :)
Thanks cartoon :caglecartoons.com

Rendezvous with CBM rain..!

2008-11-25T23:16:00.001+06:00

Was feeling nostlagic seeing rain rules tamilnadu !
lot from sivakasi chennai Coimbatore Bangalore Boston Madurai
Coimbatore Kalveerampalayam 2003 forgetten dates
Unforgettable memories !
Midnight 11pm !
stars moon gave space for
cloudburst !
washes meadow and streets ,
thunders cracked in middle.

Glutton mohan naughty ab(raham) little viki
crazy sv clown RR comic Thakkali
locked inside closed doors !

water gushed door
thunder rap walls,
Pamtree leaves sheds waterfall !

It's Silent sv who broke thunder
came out house joined hands with showers !
Yelled like a tribe,
Begin boot tapping with ground droplets !

like peeping lotus above stream
glutton gazed sv thro window,
As always joined with sv in streets !

Ab,RR,viki,thakkalai started sharing raindrops
under Pam tree leaves
dashed everyone heads for fall !

It's like sky is falling in raindrops
water pouring pouring
sitting in flowing streets,
viki,me, thakkali playing tradional
games with fingers spread !

Everywhere everyone
legs kicking
hands pushing
screaming yelling water
Immersed in happy holy rain water
Electrified excited energised !

suddenly sky lion roared
as Deers running for life
everyone entered home !

Chuckles Giggles Bursting laughs!
dazzle faces in gloominess !
towels wet we dried !

Pour ceased at 1-30am
a calm breeze embracing
as we walk for venkateswara Bakery
sipping 2Rs. tea with
hands crossed
tighten arms !

Gulped paracetamol,
coiled in beds !
Rain stories can't be washed away..!

பெங்களூர் மராத்தான் November 16

2008-10-05T23:10:00.002+06:00

பெங்களூர் மராத்தான்....Nov 16th
ரொம்ப ஆசைப்படல இந்த வருசம் 26கிலோமீட்டர் ஓடி முடிக்கனும்.
எனக்கு கொஞ்சம் கொழுப்பு,திமிர்,பிடிவாதம்,வெறி,எகத்தாளம் அதிகம்.

வாழ்க்கை மராத்தான் ஓட்டம் மாதிரி இருக்கு
1997 சென்னைல ஆரம்பிச்சு பெங்களூர்,கோயம்புத்தூர்,
மதுரை,திரும்பி பெங்களூர்,பாஸ்டன்.நல்லா ஓடிக்கிட்டே
இருக்கேன்.தரணி ஆளுவான் பரணில பெறந்தவன்..:-)

2000 நவம்பர் மாசம் நல்ல நாள்..சென்னைக்கு பக்கதில் உள்ள வேம்பம்பட்டு !
அடுத்த நாள் காலேஜ் மராத்தான் பந்தயம்.முந்தைய நாள் 7மணிக்கு.

நான் சும்மா சொன்னேன் நானும் மராத்தான் ஓடப்போறேன்
எனக்கு எதிரியே என் வாய்தான்,(கணக்கு வழக்கு இல்லாமா அடி வாங்கியிருக்கேன்.)
தம்பி மராத்தான் 12கிமீ(திருவள்ளுர் -- வேப்பம்பட்டு)..நாளைக்கு பந்தயம் ஓடிருவியா?
சுபாஷ் ( நீர் இப்ப எங்கயா குப்பை கொட்டிக்கிட்டு இருக்கீறீர்? ) ,இறைமொழி,
கிண்டல் பண்ண ஆரம்பிச்சாங்க..பக்கத்தில குண்டு வினோத் :-)
நீ மட்டும் ரேஸ்ல நிக்காம ஓடு $12 பந்தயம்..சரியா?
நிக்க மட்டும் கூடாது...ஓகே..சரிடா..

9-30மணிக்கு நானும் வினோத்தும் மெஸ்ல சாப்பிட்டு வந்தேன்..
ஸ்ரீபெரும்புதூர் ஆவடி சாலைல பேசிக்கிட்டே வந்தேன்
இருட்டில கொஞ்சம் ஓடிப் பார்த்தேன்,ஆமா ஓரு 300மீட்டர் :-)
Collge football teamla forward player..அது தவிர ஓட்டம்னா
எனக்குக் தெரியாது..

சரி நான் நிக்காம ஓடுறேன்னா இல்லையான்னு பார்க்கனுமே?
இவனுக இதுக்காக என் பின்னாடியே ஓடி வருவானுகளா?
அதனால ஜெயிச்சுறலாம்னு ஓரு தைரியம்.
4மணிக்கு பந்தயம்..3மணிக்கு பூனையா எந்திரிச்சு போய்ட்டேன்
..ரொம்ப சந்தோசமா இருந்தது..2பேரும் தூங்கிக்கிட்டு இருந்தானுங்க

4மணிக்கு நான் கொஞ்சம் வேகமாகவே ஓட ஆரம்பிச்சுட்டேன்.
ஏன்னா இவனுங்க என்ன பார்க்க முடியாதுல அதுக்காக..

பரதேசிப் பசங்க 5கிமீ முடிச்சவுடன் பின்னாடி சைக்கிள்
எடுத்திட்டு வந்துட்டாங்க..15கிமீ சைக்கிள்ளா மாறி மாறி
மிதிச்சு வந்துக்கிட்டு இருந்தானுங்க....பாருங்க

சனங்களே எவ்வளவு கஞ்ச அல்ப பசங்கன்னு.

அடங்கோயால ஓடுறேன்,ஓடுறேன் ஓடிக்கிட்டோ இருக்கேன்.
கண்ணுக்கு எட்டிய தூரம் எவனையும் காணும்.
பக்கத்தில போலீஸ் வேன் பாதுகாப்புக்கு
கொஞ்சம் பந்தவாத்தான் இருந்தது.

.எவ்வளவு தூரம் ஓடியிருக்கேன்னு கேட்டா 10கிமீ. சொன்னாங்க.
முடியல..பார்த்தா நானும் ஓரு ஆந்திராக்காரனும் மட்டும் தான்
ஓடுறோம்...அவனை முந்திட்டேன்.

பந்தயம் நிக்காமா ஓடனும்..ஓடிக்கிட்டே இருக்கேன்.எங்கயும் நிக்கலை
எங்க கல்லூரி கடன்காரங்கனுங்க டீரிங்க்ஸ் எதுவும் கொடுக்கலை..
13கிமீ பக்கத்திலதான் வீணா போனவங்க லெமன் + தண்ணீர் கொடுத்தானுங்க.
அசத்தல figurea நிப்பாட்டா வேண்டியது தானா..சொம்பை
பசங்க நின்னானுங்க.

அத கையில் வாங்கி நின்னேன். இறைமொழி,சுபாஷுக்கு ரொம்ப சந்தோசம்..!

".டேய் நின்னுட்ட பந்தயத்தில நாங்கதான் கிலிச்சோம்
500 கொடுத்திரு.." குத்துயிரும் கொலையிருமா நான்
ஓடிக்கிட்டு இருக்கேன்.அவனுகளுக்கு ஆனந்தம்.

12கிமீ சொன்னானுங்க..பார்த்தா 13ஆச்சு இன்னும் கல்லூரி
வந்த பாடு இல்ல..பார்த்தா மொத்தம் 16கிமீ ..கொன்னுட்டானுங்க.

என்னோடா பாதி உயிர் மூச்சு செவ்வாய்ப்பேட்டைல
ஓடிப் போச்சு.இரண்டு காலு,கை நட்டு கழண்டு போச்சு.

ஆஹா ! கடைசில நான் இரண்டாவது இடம் !

அய்யோ கை,காலும் பிஞ்சு போச்சு..முடியல.
சட்டி கிழிஞ்சு போய்ச்சுடுச்சு.
வலி கொன்னுடுச்சு..ஆமா ஓரு பயிற்சி இல்லாமா
ஓடினா..வலி தாங்க முடியல..எம்மா,எப்பா
அப்படின்னு புலம்பிக்கிட்டே வீடு சேர்ந்துட்டேன்..
3Bruffen அடிவைத்தில கரைச்சு போச்சு.

2001 அத விட தெனவட்டு ஜாஸ்தி.1மணிக்கு தூங்கி 4மணிக்கு
போய் 12கிமீ ஓடி 2வது வந்தேன்.(100% luck தான்)

Nov 15 இந்த வருசம் யாரவது challenge பண்ணுங்க..
Nov 16th Bangalore Ultra Marathaon..

பார்த்திராலாம்..ஓரு கை..!

சிறகிழந்த பறவையாய் !

2008-09-05T19:29:00.005+06:00

முற்றுப் பெறா எண்ணச் சுழற்சியில்

திசையில்லா பயணத்தில் சுற்றம்

தேடி குழப்பத்தை மட்டும் சுமந்து

நினைவுகள் தேங்கி சுமையாய்

விளக்கங்கள் விளங்காமல்

விடை கிடைக்கா வினாக்களுடன்
காலச் சக்கரத்தில் சுழலமுடியாமல்

குடைராட்டினத்தில் உயர இறங்க சுற்றியவனாய்

உறைந்த சுழலில்

இதயத்துக்கும் மூளைக்கும் இடையில்

தத்தளித்து தொலைந்தது மனது.

இனிய நிலவுக்கு என்னை

இரையாய் வைத்து

இரவுகள் சுகமாய் தூங்குகின்றன

கண்ணில் தெரிந்த வானம்

கானலாய் போகி சிறகு இழந்த

பறவையாய் பூமியை

நோக்கி விழுகிறேன்

உலகம் காலம் நேரம் தட்பவெட்பம் !

2008-04-17T10:50:00.003+06:00

பாஸ்டனில் குளிர்காலம்( winter டிசம்பர் - ஏப்ரல்) முடிச்சு வசந்தகாலம்(spring ஏப்ரல் - ஜூன் )
ஆரம்பிச்சதுன்னு பார்த்தா..

என்ன கொடுமைடா இது.திடீரென -2 -1 0 டீகிரி அடுத்த நாள் வெயில் அடிச்சு
+20 டீகிரி பாஸ்டன்ல..4 மாசாம -2 டீகிரி சராசரியா.

நான் கண்கூடப் பார்த்த சில தட்பவெட்ப அதிசயங்கள்..

காலையில்
1.சுள்ளுன்னு வெயில் அடிக்கும்..ஆனா -5 -6 டீகிரி இருக்கும்..

2.குளிர்காத்து காதை பதம் பார்க்கும்..குடுகுடுன்னு கார்ல உங்காந்தா
கார்ல சூரியகதிர் ஊடுருவி சுடும்...

3.இரவு 8மணி ஆனாலும் சும்மா ஜம்முன்னு சூரியன் பிரகாசமா இருக்கும்.

4.குளிர்காலத்தில பாஸ்டனில் 10நாளுக்கு ஓருதரம் கண்டிப்பா பனிச்சாரல் உண்டு.

5.நம்ம மனசு கடிகாரத்தப் 1-2 மணி நேரம் மாத்தி வேலை பார்த்தாலும்
ஓரு மண்ணும் கால வித்தியாசம் தெரியாது..

6.இன்னும் ஐரோப்பவில் 12மணிக்கு சூரியன் இருக்குமாம் :-(
உலகத்தில ஓவ்வோரு இடமும் எப்படி தட்பவெப்ப நிலை இருக்கும்னு
கூகுள் கடவுள்ட கேட்டு ஓரு அருமையான மேப் கிடைச்சது..

தட்பவெப்பநிலை ..
http://upload.wikimedia.org/wikipedia/commons/3/32/World_Koppen_Map.png
11 வகையாப் பிரிச்சிருக்கார் koppen..
படத்த பார்த்தாலே புரியும் நிணைக்கிறேன்..

சிவப்பு --- பாலை மக்கள் பாலைவனம்

நீலம் --கடலும் கடல் சார்ந்த இடம் நெய்தல்

பச்சை -- குறிஞ்சி ...

ஊதா --பனியும் பனி சார்ந்த இடம்..

அதே போல நேரம் பார்க்கிறதக்கும் வலைதளம்

http://www.worldtimezone.com/

எந்த நாட்டில என்ன மணி என்பதை அருமையா கோடு எழுதி வைச்சு இருக்க புண்ணியவானுக்கு இந்த எளியவனின் கோடி நன்றிகள்...

அதே போல் பூமி பந்து இரவு,பகல் எப்படி இருக்கு..அதாவாது எந்த பக்கம் சூரிய்ன் இருக்கு என்பதை அருமையாக ஓரு வலைத்தளம் பதிவு பண்ணி உள்ளது..

http://www.fourmilab.ch/cgi-bin/Earth

சந்திரன்,சூரியனில் இருந்து பார்த்தா எப்படி இருக்கும்னு கூட

பிரோகிரம் நல்லா எழுதி வச்சு இருக்காங்க..

கொஞ்சம் sun.. moon கிளிக் பண்ணி அப்டேட் கொடுத்துப் பாருங்க..

வானம்

2008-01-24T11:53:00.000+06:00

எத்தனை பேர் பகல் நேர வானத்தின் அற்புதத்தைப் பார்த்து இருப்பீர்கள்?

நான் பார்த்த பிரமித்த வானத்தில் சில..

நிலா,நட்சத்திரம் விழுங்கிய பகல் நேரம் தான் அதிகம் !!

சென்னைக் கடற்கரை அலையை முத்தமிடும் வானம்,

மருதமலை உச்சி தொட்ட முகில் வானம்

பெங்களுர் நந்திக் குன்றின் மெல்லிய வானம்

சிவகாசி கந்தக பூமியில் காய்ந்து

ஓடி ஒளிந்த வானம்

ஆகாய விமானத்தின் சன்னலில் எனக்கு

கைகாட்டிய பாற்கடல்,கறுப்பு,ஆரஞ்சு வர்ண வானம்

பாஸ்டன் பட்டிக்காட்டின் பனிபெய்யும் வானம்.

வான் எல்லைக் கோட்டைத் தேடி அலைந்தேன்.

வானுர்தியில்..காணக்கரிய காட்சி அது.

வாழ்க்கை போல் வான் முடிவற்றது எல்லையற்றது வரையறையற்றது.

ஏன் இந்த வானத்தின் மேல் எனக்கு இவ்வளவு ஈர்ப்பு

உயர உயரப் பறக்க துடிக்கும் என் மனமா?

முன்பிறவியில் பறவையாய் சிறகடித்து

வானத்தின் மடியில் தவழ்ந்து இருப்பேனோ?
பூகோள மைய ஈர்ப்பு விசையா?

பாலகிருஷ்ணன்,பாஸ்டன்,போயிங்.

2007-12-06T11:46:00.000+06:00

எல்லாத்துக்கும் தெரியும் நான் பாஸ்டன் வந்துட்டேன்னு
தெரியாதவங்களுக்கு நான் ஒண்னும் பண்ணமுடியாது :-)

பாலகிருஷ்ணன்.இங்கே அமெரிக்காவில் அப்பா பெயர்தான் முதல் பெயர்! அப்படியே வைரமுத்து பாணில நான் வந்த flight பிரயாணயத்தை விள்க்குகிறேன்.

3நாள் முன்னர் விமானத்தில் பறப்பதை எண்ணி தூக்கவில்லை

கனவு பலிக்கும் போது தூக்கத்தைப் பற்றி கவலை இல்லை. 24-11-07

பெங்களுர் விமானத்தளம் என் அடுத்த வாழ்க்கை திருப்புமுனைக்கு தயாராக. பறக்கும் முன் ஆச்சரிய வெள்ளத்தில் மிதந்தேன்.

அது கண்ணுக்குள் அடங்கா ஆகாய அலுமினியப் பறவை
பெயர் போயிங் 747.
75 ஆயிரம் பொறியியல் படங்கள் வரையப்பட்டதாம்.
6 மாடி கட்டிட உயரம் 60அடி அகலம் கொண்டதுhttp://www.boeing.com/commercial/747family/pf/pf_facts.html)
பூமியை உருவாக்கியவன் எத்தனை படம் போட்டு இருப்பானோ?
என்னை ஏற்றிச்செல்ல தயாராக இருந்தது.
வழிநெடுக ஆங்கிலேயர்கள் வரவேற்க என் இருக்கையில் அமர்ந்தேன்.. ஜன்னலக்கு அடுத்தது.குடை ராட்டினத்தில் பயணித்தது
நினைவுக்கு வந்தது.

விமானத்தின் இருபுறமும் அதன் சிறகுகள் நீண்டு இருந்தன.

மொத்தம் 300பயணிகள் இருப்பர்.
சாதி,மதம் மொழி,இனம்,நாடு,வயது தாண்டி

எல்லோரும். 6மாத அகவையில் இருந்து 61வரை,
கறுப்பு சிகப்பு வெள்ளை என பற்பல !
அமைதியாக விமானம் புறப்பட எத்தளித்தேன்.
பெங்களூர் நகரவாசிகளின் சனிக்கிழமை காலை தூக்கம் கெடாமால் ஓலி எழுப்பியது.
விண்னைப் பிளந்து,காற்றைக் கிழித்து,சீறிப்பாய்ந்தது.

எளிதாக திரும்பியது 6மாடி 60அடி விமானம் நம் வாழ்க்கை திருப்பம் தான் கொடியது/அரிது.

என் கண்முன்னே ஓரு சிறு தொலைக்காட்சி பெட்டகம் அதை இயக்க கையில் பொத்தான்கள். ஆங்கிலம்,ஹிந்தி படங்கள் விளையாட்டு என பல அம்சம் அடங்கியது.
பறவையின் திசை,வேகம்,கண்முன்னே.
கண் அகண்டு விரிய திறந்த வாய் மூடாமால் சலனமின்றி நான். உணர்ச்சிகளும் சிந்தனைகளும் நிற்க உள்ளம் ஆனந்த உவகை கொண்டது !

அடி அடியாக உயர மேகத்தைத் தாண்டி 35000அடியில் நேராக செல்ல ஆரம்பித்தது.

35000 அடி உயரத்தில் பறவை ஊர்ந்து சென்றது.
தீடிரென ஒரு சத்தம்.பறவை கட்டுப்பாடு இன்றி ஓருபுறம் சாய ஆரம்பித்தது.

வீல் வீல் என்று சத்தம். கூக்குரல் ஆங்காங்கே. பயணிகளிடயே.
குடைராட்டிணத்தில் ஓரு குடையை மட்டும் வீசியது போல் உணர்வு.
வயிற்றில் இருந்து குடல் மட்டும் தனியே வந்தது எனக்கு.

"யாரும் பயப்படவேண்டாம்.மற்றும் தத்தம் இருக்கையின் கீழே உள்ள உயிர்காப்பன் உடையை(Life jacket) அணியச் சொன்னார்கள்"
அவரவர் கடவுள் துணைக்கு வந்தனர். எனக்கு நீச்சல் தெரியாது என்று பயம் :-)
அரபுநாட்டில் பறக்க எண்ணி அரபிக்கடலில் நனையப் போகிறேன்,
மெக்காவில் விழுந்தால் புண்ணியம்.என்றார்கள் :-)
பயத்தில் கண்மூடினார் ஒருவர்.
கண்மூடினால் மட்டும் காலன் தொடாலா போய் விடுவான் .
நல்ல வேளை என் பிள்ளையை விட்டு வந்தேன்..
" உப்புநீர் நீச்சல் தொடருமா ? அழுதது 2மாதக் கைக்குழந்தை.

அருகில் இருப்பவர் கொட்டாவி விட்டார். எதுவும் சொல்லாமல் தூங்க ஆரம்பித்தார்.

தூக்கம் எல்லாத் தொல்லையும் தொலைவில் வைக்கும்.

30000.. 25000..20000 15000 அடி என என் கண்முன் கணினி காட்டியது

8 Lesser facts about me.!

2007-10-06T16:11:00.000+06:00

Thanks hepzi for calling me to write abt myselves.I am continuing

1.எவ்வளவு சந்தோசமோ,துக்கமோ,வருத்தமோ,அழுகையோ,ஆட்டமா,பாட்டமோ
எல்லாம் ஓருமணி நேரம் தான் அதுக்கப்பறம்
உணர்ச்சிகள் மாறி விடும்.நிறைய நேரம் இத feel பண்ணி இருக்கேன்.அதனால எதுக்கும் ரொம்ப அலட்டிக்கிடமாட்டேன்

2.2ம் வகுப்பில் ஊருக்கு வெளியே கூட்டிட்டுப் போனாங்க(10கிமீ) ஓரு தோட்டத்துக்குன்னு நினைக்கிறேன்.மதியச் சாப்பாடு இலைல கட்டி கொடுத்து இருந்தாங்க.அப்படியே நாம் சாப்பிட்ட இலைய வீட்டுக்கு கொண்டு வந்துட்டோம்ல..:-)

3..எல்லாமே பொருளுக்கும் இரண்டு விதமா சொல்றாங்க.ஆனா நான் மூணுன்னு நினைக்கிறேன்.
1ஆரம்பம் 2.இருத்தல் 3.இறத்தல்.
என் வாழ்க்கைத் தத்துவத்திலயும் மூணு உண்டு.
1.சரி,தப்பு,தப்பில்லை.மூணாவது சொல்லித்தான் பிழைத்துக் கொண்டு
இருக்கிறேன்.

4.நான் இருக்க இடத்தில ஓண்ணு ஆர்ப்பாட்டம் பண்ணிக்கிட்டு,
இல்லை ரொம்ப அமைதியா இருப்பேன்.
தண்ணி மாதிரி எனக்கு ஓண்ணும் பெரிய
தனித்துவம் கிடையாது..

5.5-6 தடவைதான் நான் வாழ்க்கைல நினைவு தெரிஞ்சு(15 வருசம்)
கோபமோ/அழுகை ரொம்ப பண்ணி இருப்பேன்.
அதற்காக எருமை மாட்டில மழை பெய்யறமாதிரி :-)
வாழ்க்கை வாழுற ஜீவன் இல்ல.
மாற்றமுடியாததுக்கு வருத்தப்படறதோ/புலம்புறதோ மாட்டேன்.
அதில் அர்த்தமும் இல்ல.ஓவ்வொரு விசயத்தையும் மேலோட்டாமா
ரசிச்சுப் பார்த்த வாழ்க்கைல கவலைங்கிறதே கிடையாது.

6.நான் படிச்ச முதல் ஆங்கில புத்தகம்
You Can win.பிடிச்ச புத்தகங்கள்
ஜெயங்காந்தன் கதைகள்
விவேகானந்தர் சிகாகோ சொற்பொழிவுகள்
ஓசோ "medidation to medication"
The Alchemist.

7.வித்தியாசமான எண் இது.நான் பிறந்தநாளும் கூட.நான் என்னதான் கணிப்பொறியில்
3வருசமா ஆனி புடுங்கினாலும் உயிரியலில் தான் என் ஆர்வம்.உயிரியல் வேலைக்கு எப்ப கிடைச்சாலும் மாறுவேன்.

8.நான் பிரமிச்ச நண்பிகளில்(மிகச்சில) பெண்களில் "ரிடாவும்" உண்டு.சுறுசுறுப்பு,சிரிப்பு,குறும்பு,நட்பு பாரட்டுதல்
இன்னும் நிறைய சொல்லலாம்.அப்புறம் நம்மள எழுத கூப்பிட்டவங்களைப் பத்தி இதக் கூட சொல்லலைனா நல்லா இருக்காது.:-)

மூளைக்கும்/இரைப்பைக்கும் இரைப்பதும் இரையாகமல் இருப்பதும்
வாழ்க்கை..(வைரமுத்து தண்ணீர் தேசம்.)
Rules to continue the meme:

Tag atleast 5 people to continue the meme
Leave a comment to the person who tagged u once u've completed.
Mention the person who tagged you.
Put down these rules below ur meme.
keep it going :)

1.Saravana
2.Guna
3.Alex
4.கொழுப்பு
5.Rita
(recursion)

இருள் அணைத்த பெங்களுரு

2007-09-14T22:13:00.000+06:00

இருள் அணைத்த பெங்களுரு..!

மழை சிந்தி வழிந்த நாள்
உறக்கம் தொலைத்த நான்
ஓரு கோப்பை தேநீர் தேடி
இருளில் பயணித்தேன்.

யாருமற்ற சாலையில்
தேங்கிய நீரில்
விழுந்து கிடந்தது
உயிர் பெற்று
கண்சிமிட்டிய
தெருவிளக்குகள் !

தெருவிளக்கின்
வெளிச்சத்தை கிழித்து
தலை தெரிக்க வீடு தேடி
ஓடும் நாற்சக்கர வாகனங்கள் !

ஓருவரும் இல்லாமல் திகைத்து
வானம் இழுத்து போர்த்தி
நட்சத்திர காவலுக்கு
பால்வீதீயில் நிலாவை
வைத்தது.

நிம்மதியாய் பெருமூச்சு
விட்டபடி காற்று அங்குமிங்கும்
சுதந்திரமாய் சுழன்றது.

வெறுமையாய் என் கண்கள்
தேநீர் வண்டி தேடி மேய்ந்தது.

தாயின் சுமையில்
சில வருடங்களே
தனித்த சிறுவன்
கண்ணில் தூக்கம் சுமந்து
தேநீர்கூடை தூக்கி வந்தான்

இரவு நமக்கு பொழுதுபோக்கு
அவனுக்கு அதுதான் பொழுது.

என் வயிற்றின் குளுமையை
சுடுநீரின் வெதுமை அணைத்தது.
நரம்புகள் உயிர்பெற மூளை
நீயூரான்கள் விழித்தன

ராமு என்ற clone

2007-09-05T17:45:00.000+06:00

2100 வருடம். உங்களுக்கு இந்த நூற்றாண்டு பற்றி தெரிய வாய்ப்பு இல்லை.ஸ்டேம் செல் முன்னேற்றத்தால் ஓரு வாரத்தில் 10கோடி ரூபாயில் நாம் விரும்பும் முழுவளர்ச்சி பெற்ற மனிதனை உருவாக்க முடியும். மேலும் digital செய்திகளை(DVD(10gb),DxD(100gb)) அப்படியே மூளையில் பதிவு செய்து ஞாபக சக்தியுடன் கூடிய புதிய மனிதனைத்(ரோபோ இல்லை, clone) தரமுடியும்.அவனை 100நாட்கள் ஓரு முறை பரிசோதித்து, சரிசெய்து அனுப்ப 1கோடி மட்டும்செலவு ஆகும். இப்பொழுது 2100 வருடம் செல்வோம்.

மருத்துவமனையில் இருந்து ஓரு ஓலக்குரல் !
மற்ற வியாதியஸ்ர்களைத் திடுக்கிட வைத்தது.

"என் பையன் ராமுவுக்கு என்ன ஆச்சு." கேட்டு மயக்கமடைந்தாள் கயல்விழி.

20நிமிசத்துக்கு முன்னர் போயிங் விமானம் திக்கு தெரியாமல் மலைமீது மோதி அதில் பயணித்த ராமு இறந்தது அவளுக்கு தெரியவாய்ப்பு இல்லை.

"கயல்விழி, கவலைப்படாத , ராமுவுக்கு வெறும் காயம் தான் உயிரோடுதான் இருக்கான்" சமதானப்படுத்தினார் ராமுவின் அப்பா ராஜா.

ராஜா அவசரமாக ராமு பிறந்தது முதல் 17வயது ஆகும்வரை பயன்படுத்தியது,படங்கள் நிழற்படம்,பேச்சுக்குரல்,எல்லாவற்றையும் DxD(100gb)ல் பதிவு செய்தார்.அதை அப்படியே www.tamilnaduclone.comக்கு அனுப்பி வைத்தார்.
தமிழ்நாடு மரபணு ஆராய்ச்சி மையத் தலைவர் அரவிந்தனை நேரில் சந்தித்தார். ஓரு வாரத்தில் என் பையன் மாதிரி ஒரு clone வேணும். 10 கோடி பணம் அரசாங்கத்திடம் இருந்து வாங்கிய clone உரிமைப்பத்திரம்,என் மகனின் சகலசெய்திகளையும் DxDல் உங்களுக்கு அனுப்பிவிட்டேன்.DNA வங்கியில் இருந்துஎன் மனைவி மற்றும்,என் DNA code எடுக்க அனுமதி அளித்து இருக்கேன் என்றார். 10 நாளில் ராமுவைப் போலவே உருவாக்கப் பட்ட புதிய clone வந்தான். மருத்தவமனையில் இருந்த கயல்விழி ஓடோடி வந்து மகனை கட்டிப்பிடித்து கண்ணீர் மல்கினாள்.

"வந்துட்டியாட.flight வெடிச்சதுப் பார்த்து எனக்கு உயிரே போச்சு. இப்ப உன்ன பார்த்ததுக்கு அப்புறம் தான் நிம்மதியா இருக்கு." "சின்னக் காயம் தான்மா.உயிர் பிழைச்சுட்டேன்." clone கூறியது.நீங்க கவலைப்படதீங்க.

நாட்கள் கடந்தன. கயல்விழி சகஜ நிலைமைக்கு திரும்பினாள்.
clone தனது உண்மையான ராமு இல்லை என்பதை நண்பர்கள் மூலம் உணர்ந்தாள்.அழுதாள் கயல்விழி , "இப்ப என்னால இந்த cloneஐ நம்ம பையனா ஏத்துக்க முடியாதுங்க!
100நாட்களுக்கு ஓரு முறை அவனுக்கு 1கோடி செலவு செய்ய வேணுமாங்க? " அவனை கருணைக்கொலை செய்யலாமா? நமக்கு உரிமை இருக்கா?

அப்பொழுது வந்த clone இதைக் கேட்டு வெட்கித்தலைகுனிந்தான். தான் ஓரு இயந்திரம் போல் நினைவுகளை உள் அடங்கியவன் எனவும், தனக்கு என்று ஓர் அடையாளம் கிடையாது என உணர்ந்தான். அவர்களுக்கு சங்கடம் கொடுக்காமல் தற்கொலை செய்ய அவன் முடிவு செய்தான். ------------------------------------------------------------------------------------------------------------------------------------------------------------------------------------------------------------------------------------------ ----------------------------------------------------------------------------------------------------------
முடிவினை நிரப்புங்கள் பார்க்கலாம்

அசக் புசுக் சரக்

2007-06-21T12:16:00.000+06:00

பட்டப்படிப்பு வாங்கிட்டோம். ஆனா எங்களுக்கு
BTechna என்னனு தெரியாது ! ரசாயன பொறியியல்னா தெரியாது.

மூம்மூர்த்திகள் அசக்,புசுக்,சரக்
நட்பக்கு இலக்கணம் நாங்க தான்.
கல்லூரி போனா மூணு பேர் போவோம் இல்ல யாரும் போமாட்டோம்.
அசக் நல்லா தான் படிப்பான்,பிட் அடிப்பான் அரியர் வைப்பான்
புசுக் படிக்கமாட்டான் பிட் அடிக்க மாட்டான் பாசாகிடுவான்
சரக் படிப்பான், பிட் அடிக்க மாட்டான் கொஞ்சம் அரியர் வைச்சான்.

புசுக் தான் படைப்பாளி, அவன் வாய்க்கு தெரிச்சது சாப்பாடு,
கூப்பாடு. எங்களுக்கு பிக் FM அவன் தான். எப்பவும் ஓலிச்சுக்கிட்டே இருப்பான்.
அசக்கிடம் அந்த FM control இருந்தது."புசுக் நிப்பாட்டு"
அப்படின்ன அமைதியாடுவான். அப்பவே நாங்க
BPO பண்ணிக்கிட்டு இருந்தோம்.ஆமா எங்க கல்லூரி வேலை எல்லாத்தையும்
அவனிடம் outsource கொடுத்திட்டோம்.

அசக் அழிப்பவர்
8மணி கல்லூரிக்கு நாங்க 9-30க்கு சுறுசுறுப்பா கிளம்பினா கல்லூரில Attendence மூடிட்டாங்கன்னு
வீட்ல இருந்து படிப்போம்னு வழிகாட்டுவான். 6அடிக்கு 6 அடில 4நாள்
அசரமா உட்காந்து இருப்பான் சாப்பாடு,எல்லாம் அங்கேயே தான்..

திருடன் ஓரு நாள் ரூம்க்கு வந்து
எல்லா பொருளையும் திருடியிருந்தான்.யார்க்கு தெரியும் வைக்கிற
இடந்தால் தான எது காணாமப் போச்சுன்னு கண்டுபிடிக்க முடியும்.
காலைல hostelக்கு வெளியே 'அசக்' டிரங்க் பெட்டியும் திருடனும் கிடந்தாங்க.
டிரங்க பெட்டில இருந்த, 2வருசமா துவைக்காத உள்ளாடையும்,கைலியும் மோந்து பார்த்தா?
அதில கழுத பாருங்க எங்க certificates மார்க் சீட்ஸ் எல்லாமே அதிலதான் கிடந்தது.
தப்பிச்சது. அவ்வளவு பொறுப்பு.

சரக் ஓரு கோமாளி,

ஏப்ரல 1ம்தேதி 11மணிக்கு நைசா பிறந்தநாள் கேக் எடுத்து "அசக்" கிட்ட போய் பிறந்தநாள்ன்னு சொன்னான். ok அப்படி்யான்னு கேட்டு 12மணிக்கு கொண்டாடனும்னு hostel பசங்க 30பேர எழுப்பி விட்டோம்.யார்க்குடா பிறந்த நாள்ன்னு கேட்க, சரக் முத்துப்பல் தெரிய
"ஹி ஹி ! உங்களுக்குத் தான் ஏப்ரல் fools ன்னு சொன்னான்"
பிறகு என்ன 'சரக்' தர்ம அடி வாங்கினான்.

அப்புறம் தான் தெரிஞ்சது உண்மையிலே அவனுக்குப் பிறந்த நாள்னு.:-)
தான் பிறந்த நாளுக்கு மத்தவங்களுக்கு கேக் கொடுக்கனும் நினைச்சு வாங்கி இருந்திருக்கான்.
நல்லவன்தான் 'சரக்' என்ன துக்ளக்.

புசுக் ஓட்டக் காதான்
எதச் சொன்னாலும் எல்லாத்துக்கும் ஓலி பரப்பிருவான்.
BTech Chemical பட்டப்படிப்பு தொடங்கி 50நாள் கூட ஆகல.வகுப்பறையில்
டீச்சர் அசக் விடம் "நேத்து ஏன் labக்கு வரல" ..ஹி ஹி.. எங்க மாமா வந்தார்..
அடுத்து 'சரக்' அசக் மாமா வந்தார்.அடுத்தது 'புசுக்' அசக் மாமா வந்தார. :-)
டீச்சர் "அவர் மாமா என்ன உங்களுக்கா பொண்ணு கொடுக்கப் போறார்? "
வகுப்பறையில் சிரிப்பொலி அடங்க சிறிது நேரம் ஆயிச்சு,

அவ்வளவு நட்பு.

எப்படின்னு தெரியல.9 வருசம் ஆனாலும் மூம்மூர்த்திகள் பிரியாம இருங்காங்க.
(இதில நானும் ஓரு ஆள் :-) )
தூரம் காலம் சூழ்நிலை காதலர்களை பிரிக்கும் நண்பர்களை அல்ல.

வந்தேன் அய்யா.

2007-06-12T15:38:00.000+06:00

1 வருசமா மெயில் பாஸ்வேட் மாத்தாம இருந்தேன்.சமீபத்தில மாத்திப்புட்டேன்.
மறந்து போச்சு.

மூளை புது பாஸ்வேடு எங்கு கொண்டுபோய் வச்சதுன்னு தெரியல. அத சொல்லிக் குத்தம் இல்லை
நம்மள மாதிரி தான நம்ம மூளை இருக்கும்.
ஓரு வழியா gmail புண்ணியத்தில புது பாஸ்வேடு வாங்கிட்டேன்.

நம்ம சிநேகிதாரங்க இரண்டு பேர் இருக்கானுங்க.
எந்த விசயம் ஆரம்பிச்சாலும் கச கசன்னு, நொய் நொய்ன்னு பேச ஆரம்பிச்சுடுவாங்க.
இப்படித்தான் ஒரு நாள் போன்ல எதிர்லைன்ல யார்
பேசுறாங்கன்னு தெரியாம் 15நிமிசம் பேசி முடிச்சுட்டான்.
கண்டிப்பா அவன்லாம 1மணி நேரம் பேசமா இருந்தா மண்டை வெடிச்சுடும். :-)

சும்மா அடுத்தவனப் பேச விட்டுக் கேட்டுப் பாருங்க.
நீங்க எதுவும் விவாதம் பண்ணாம, கேள்வி கேட்காம இருக்கனும்.
ரொம்ப வித்தியாசமா இருக்கும். ம்.இன்னும் பொண்ணுங்கன்னு ரொம்ப ஆச்சரியப்பட்டுப்
அசந்து போவீங்க.

உலகத்தில ரொம்ப கொடுமையான விசயம்.பயங்கர கஷ்டம்,
அடுத்த நிமிசம் நம்ம என்ன செய்யனும் யோசிக்கிறது தான்.(எங்கோ படிச்சது)
கிரிக்கெட் ஏன் நிறைய மக்களுக்கு பிடிக்கும்ன்னு இப்பத்தான் புரியுது.
1 நாள் பொழுது பத்தி சிந்திக்க தேவையில்லை.

சிவகாசி

2007-05-18T12:55:00.000+06:00

காரிருளில் கதிரவன் கரைய

வானக் கரும்போர்வையில்

வெண்மதி உலாவற

என் நினைவுகள் உயிர்பெற
நடுசாமம்(12 மணி)
தூக்க கலக்கத்தில்
நொடி முள் தள்ளாட
கடிகார மணிமுள்
மெதுவாக கீழே சரிய
மனம் பின்செல
பேனா முன் ஓட

சிவகாசியின் தண்ணிர்க்கதை
வருடம் எப்போதும்
பெய்யும் மழை பொய்க்கும்
முக்காலம் வறண்ட வசந்த காலம்

தடம்புரண்ட தண்டவாள
ரயில் பெட்டிகள்போல்
காத்திருக்கும் வாய்
பிளந்தகுடங்கள்
முன்னிரவு ஊறிய உப்புநீரை
அடிப்பம்பில் முன்னேற்றி
பின்னிரவில் சேமிப்பர்

அயர்ந்த சூரியன்
கண் விழிக்கும் முன்

அதிகாலை எழுந்த
உக்கிரன் நாவு நீளும்
பெரிய குளம்,சின்ன குளம்
குட்டை, ஆறு திங்கும்.

மதியம் வெறிகொண்ட

பிளிறு போல்
திமிறித் தெறிக்கும்
உடலை ஊடுருவி
தேகக் குருதிநீர் பார்க்கும்.
உமிழ்நீர் கேட்கும் !

பசி அடங்கா சூரியன்
விண் கொண்டு
அழுதால் உண்டு மழை

விண்ணீர் கானல்நீர்
மண்ணீர் கண்ணாமூச்சி காட்டும்.
எனினும் நாங்கள்

கண்ணீர் காணோம்..

சிவகாசி பூமிக்கும் கோரப்பசி
புல் பூண்டு தாவரம்
தின்று வளரும்

கந்தக பூமி.

வெண்மதியின் ஓளி
அடிப்பம்பின் ஓலி என்
ஆழ்மனதில் வலி
இன்றும் எங்கோ !

தொடரும்...
"வெயில்" படம் ரொம்ப பிடிச்சு இருந்ததுனா கண்டிப்பா
ராமகிருஷ்ணன் "நெடுங்குருதி " நாவல் படிச்சுப் பாருங்க.
ஹிமாலயக்குளிரிலும் வெயில் உக்கிரத்தை அனுபவிப்பீர்கள். !

காது கொடுத்துக் கேளுங்க--வயிறு !

2007-05-08T11:57:00.000+06:00

8-30
அய்யோ கட்டைல போறவனே , காலங்காத்தால நான் சரியா முழிக்க கூட இல்லை, என் மேல சுடுதண்ணிய (bed coffee) ஊத்துற, நீயெல்லாம் மனுசப் பயலாடா,அறிவில்லை பரதேசி. உன்னைய சுடுதண்ணி ஊத்தி எழுப்பி விடனும்டா அப்பத்தான் புரியும் என் கஷ்டம்.

நாசமாப் போற நன்னாரி நாயே !
பல்லை விளக்கு.. அப்புறம் காலைக் கடன முடிச்சுத் தொலை.
நாத்தம் குடலைப் புரட்டுது.

கிறுக்குப் பய நேத்து தூங்கவிட்டியா? ராத்திரி 11மணிக்கு உனக்கு பீசா கேட்குது சனியன்,
அது வேற எதில செஞ்சாங்கன்னு பார்த்து நான் ஜீரணிக்குறத்துகுள்ள நடுசாமம் ஆகிடுச்சு.
சரியா ஓய்வு எடுக்க முடியல.

10-30
எப்பாடா ! ஓரு வழியா புள்ளையான்டன் குளிச்சு முடிச்சுட்டன் . எனக்கும் கொஞ்சம் உடம்பு சூடு குறைஞ்ச மாதிரி இருக்கு.பசிக்கிறதே , ஏதாவது இட்லி கெட்டிச் சட்னி சாப்பிடுட்டா பேஸா இருக்கும்.
ஆத்தா இன்னும் ஓரு டீய கொட்டுறானே :-(

11-30
அய்யோ முடியலடா.. எப்பா ஓரு வழியா சாப்பிட ஆரம்பிச்சிட்டான். என்னடா இது யார் குடலைத் திங்கிற? நூல் நூலா இருக்கு சரி சரி நூடுல்ஸா .பரவாயில்லை தின்னு தொலைறேன்.

12-30
ம்..என்னது ஓரே இடத்தில உட்காந்து இருக்கான். ஆஹா..கையக் கால தூக்கி சத்தம் போடுறானே... ஆரம்பிச்சுட்டன் கிரிக்கெட் பார்க்க. நம்மள இனிமே கொஞ்சம் கூட நிம்மதியா இருக்க விடமாட்டன்.
கடலை,சிப்ஸ்,நொறுக்கு தீனிய கொறிக்கிறான்..டேய் கிரிக்கெட்ல அப்ப
அப்ப இடைவேளை விடற மாதிரி சாப்பட்டுக்கு கொஞ்சம் gap விடு.
சண்டாளா ! உனக்கு வாயும் பல்லும் எதுக்குடா கொடுத்தங்க? மரியாதையா கடிச்சாவாது தின்னு .சாவுகிராக்கி
எனக்கும் மட்டும் கை இருந்தா உன் பல்லை உடைச்சி உன் கைல கொடுத்து இருப்பேன்..

8-30
டேய் இன்னும் பழய மேட்டர் சாப்பிட்டது அப்படியே இருக்கு.
என் வயித்தல வேற இடம் இல்லை.இந்த குடல் வேற இடிச்சுக்கிட்டு இருக்கான். !

இப்ப வேற, ஏதோ பிரியாணி சாப்பிடுறானே.
அயகோ.. திரும்பவும் ஆரம்பிச்சிடானே..இதுக்கு மேல முடியல, படுத்திறியேடா,

என் தலைவன்ட சொல்லி உன்ன பழிக்கு பழி வாங்குறேன்.

தலைவா(மூளை ) என்னால முடியாது. இவன் கண்டது கழுதைத் தின்னு
என்னைய குப்பைகாடா ஆக்கிட்டான்.கீளின் பண்ணு.

தயவு செய்து அவன் கொடுத்ததை அவனுக்கே அனுப்பிரு.
இந்தா வாங்கிக்கோ..:-) உவ்வாக் (வாந்தி).. :-( .

சந்தோசமா காலைல இருந்து என்னை பாடாப் படுத்தினில உனக்கு இதுவும் வேணும் இன்னமும் வேணும்..

என்னது எதோ சத்தம் கேட்குது "வயிறு சரியில்லை..பாஸ் "
அடப் படுபாவி. பன்னாடை ! பன்னாடை ! செவிட்டுப் பயலே. காலைல இருந்து
பைத்தியமாக் கத்திகிட்டு இருக்கேன்..நானா சரியில்லை. தின்னது எல்லாம் நீதான் டா பிசாசு.

வாழ்க்கை பூரா அழுது அழது வேலை பார்க்கிற ஜீவன் நானாத்தான் இருப்பேன். :- ( :-(

நீ பெயில் ஆகிப் போவாய்.!

2007-04-19T20:16:00.000+06:00

முதல் காதல் அறியா பருவத்தில் வரும் இனம் புரியாத உறவு.
என் ல்வல ரொம்ப நெருங்கிய பள்ளி நண்பனும் உண்டு.

8ம் வகுப்பு 1993/1994 ஆகஸ்ட் நினைக்கிறேன்..
நான் 1-10 வரைக்கும் பையன்கள் கூட தான் படித்தேன்.அதனாலபொண்னுங்க கூட பழகிற வாய்ப்பு கம்மி.

8வது வகுப்பு படிக்கும் போது ஹிந்தி வகுப்பில் சேர்ந்தேன்..அங்கே இரண்டு பிரிவா நாற்கலி போட்டுஇருப்பாங்க. எதிர்தத பிரிவுல அந்த சின்னப் பொண்ணு.

என் மூளையின் நீயுரான்கள் அந்த பதிவை இன்னும் மறக்கவில்லை/அழிக்கவில்லை. அன்பான புன்முறுவல், பள்ளிச் சீருடை(பாவடை சட்டை),கனிவான பார்வை பேசனும் நினைச்சிருக்கேன் சில நாள், ஆனால் காற்றில் கரைவாள் என்றும் அறியவில்லை

நம்ம மனம் இருக்குதே ரொம்ப மோசமானது..நம்மிடம் இருப்பது கண்ணுக்குஎப்பவும் தெரியாது, ஆனா கிடைக்காது பத்தி தான் ஏங்கும், யோசிக்கும்..
அந்த சிறுமியிடம் ஓரு வார்த்தை கூட் பேசினது இல்லை. அவளிடம் எப்படி ஈர்ப்பு வந்தது என்று இன்று வரைக்கும் என் அறிவுக்கு எட்டவில்லை.
மொத்தமா அவள 5 தடவை தான் பார்த்து இருப்பேன்...:-(

பள்ளித் தோழனும்( வெறும் 3 மாதம் அவன் எனக்கு பழக்கம்) அந்த வகுப்பில் கூட படிச்சான். அடுத்த நாள் எனக்கு ஹிந்தி பரிட்சை(முழு ஆண்டு) . எல்லோருக்கும் வாழ்த்து சொல்லிட்டு என் நண்பனுக்கு கை கொடுத்தேன்.
"நீ பெயில போய்டுவேன்னு சொன்னான்" எனக்கு 90% கோபம் வராது :-)அன்று அந்த 10% என்னை ஆட்கொள நான் அவனிடம் "வருகிற திங்கள்கிழமை உன்னிடம் பேசமாட்டேன் என்றேன்.."
ஹிந்தி வகுப்பு முடிந்து வீட்டுக்கு இரண்டு பேரும் செல்கிறோம் மயான அமைதி நாங்கள் வீடு திரும்பி வரும் வரை. ஓரு நட்பின் முறிவு தெரியாமல் அன்றைய பொழுது முடிந்தது. வாழ்க்கையில் சில தருணங்கள் உடனே விளங்காது .

அவன் அதறகு பிறகு பேசவில்லை. அதற்கு 2 நாள் தூங்காமல் ஏங்கியிருப்பேன்.:-(

நட்புவேரின் ஆழம் அறியாமல் பிரிந்து அது என்னை 100 நாள்களுக்கு மேல் உலுக்கியது.
அமெரிக்கா ரஷ்யா மாதிரி எங்க பனிப்போர் தொடங்கியது 8ம் வகுப்பில் தொட்ங்கியது 12ம் வகுப்பு முடியும் வரை தொடர்ந்தது.என் ஏக்கம் மனதுக்குள் புதைந்தது.

1999 ..சென்னை காலேஜில் நான் படிக்கும் போது ஓரு கடிதம்.நண்பர் அன்பர் தான்.நட்புக்கு தூது விட்டு இருந்தார்.என்னோடு முதல் bloglaயும் அவன் இருக்கிறான்.
இப்போது சம்பந்தம் இல்லாம என் தூங்கத்தைக் கெடுத்தான் 10மாதத்துக்கு முன்னாடி இரவு 3மணிக்கு முக்கா மணிநேரம் பிளேடு போட்டான்..தாங்கமுடியல சாமி.

இனம் புரியாத சோகம்,சந்தோசம்,வருத்தம் சில ஆள்களா பார்த்தா இருக்கு அது எப்படின்னு தெரியல பூர்வஜென்மா தொடர்பா இருக்குமோ?

அதிகாலைக் கடற்கரை

2007-03-29T13:03:00.000+06:00

மார்ச் 17,18,19 . சென்னையில் டேரா (உபயம்: வேல் செல்வம்)
4 வருடம் சென்னைல (பக்கத்தில) நான் படிக்கும் போது சுற்றி இருந்தாலும் விடியற்காலைல மெரினாவுக்கு போனது இல்லை !
அதிகாலை 3-45க்கு சென்னை மெரினாவிக்கு போனேன். மவுண்ட் ரோடு சுத்தமா நிசப்தவும் ,காற்று நிம்மதியா தூசி இல்லாம பெருமூச்சி விட்டுக்கிட்டு இருந்தது..

மணல் மேட்டில் அப்படியே கடலை நோக்கி நடக்கிறேன்.வானத்தை பிசிஸ்ரீராம் கேமரா மாதிரி ஓரு 360கோணத்தில் பார்த்தேன்.அவ்வளவு சூப்பரா இருந்தது.

வானம் எங்கும் கும்மிருட்டு அமைதி .அப்படியே மணிரத்னம் படம் பார்க்கிற மாதிரி ஓரு effect.ஆங்காங்கே வெள்ளை வெள்ளையா மேகத் திட்டுக்கள்.
ஆதி மனிதன் எப்படி இருட்டில் இருந்து பயப்படமா இருந்தான்னு தெரியல.
ம்.கொஞ்சம் மனசுல கிலி தான்.இருந்தாலும் கில்லி மாதிரி அலை தனியா அலைமோதறத பார்க்கனும் நினைச்சேன்.

கடற்கரைய பார்த்தா அந்த அளவுக்கு அலை ஆரவாரமோ ஆர்ப்பரிப்போ இல்லாமல் இருந்தது.
நாலு பேரு நம்மல கண்டுக்கலனா நாமவாட்டுக்கு சீன் போடாமா வேலை பார்ப்போம்ல அது மாதிரி அடக்கமா அலை இருந்தது.சாயங்காலம் தான் நம்மைல தொடுறதுக்காக அலை வேகமாக ஓடி வரும் போல.

அதிகாலை 5-15 அப்படியே கார்ல பெசண்ட் நகர் பீச்க்குப் போனேம். பகலில் கிடைக்காத அவ்வளவு தூய்மையான காற்று காருக்கு வர சந்தோசமா பாட்டு கேட்டுக்கிடே போறோம்.
போற வழியில சாந்தோம் சர்ச் கேட் பார்த்தா அப்படீயே evil dead சுடுகாட்டு கேட் மாதிரி இருந்தது.ஒரூ புகைப்படம் எடுக்காம விட்டேன்.:-(

கடறகரைல மணலை விட குப்பைக் கூழம் தான் அதிகம்.5-40க்கு சூரியன் உதிக்க ஆரம்பிச்சது. சூரியக்கதிர் கடல் நீரை துளைத்து ஓளிவெள்ளமாக காட்சியளித்த்து.எங்கு பார்த்தாலும் ஓளிக்கதிர்களாய் கடல்.. பிரகாசம்.உடம்பு சிலிர்த்து புல்லரிக்கிற மாதிரி ஓரூ உள்ளுனர்வு.கண்டிப்பாக காதல்ர்கள் ஜோடியாக பார்க்க வேண்டி காட்சி இது.

என் மனதில் புதைந்த, அற்புதமான நெஞ்சை வருடும் காட்சியில் இதுவும் ஓன்று.
அப்படியே அந்த பிரகாசம் என் கண்ணுக்குள் உறைந்து போய் இருக்கு.
ஜத்குரு சொல்றமாதிரி இது நீங்கள் பார்க்க வேண்டிய விசயம்

அந்த நேரத்தில(காலை 5-30) காலாற இரு யுவதிகள் ,என்ன பேசுறங்கன்னு பார்க்க அப்படியே ஓட்டுக் கேட்டேன்.

."நீங்க அன்னைக்கு பண்ண குழம்பு எப்படி பண்ணிங்க?" நல்லா இருந்தது எப்படி பண்ணனும்.." பெண்கள் திருந்த மாட்டார்களா? ..இல்லை ஆண்கள் விடுவதில்லையான்னு தெரியலை..

பார்க்கலாம்..

2007-03-13T18:08:00.000+06:00

இன்று
ஏதாவது எழுத வேண்டும்
என் உள்ளம் சொல்ல,
வார்த்தைகள் இல்லாமல் என் மனம் திகைக்க,
மௌனத்தினால் என் இதழ் காய,
நாலாபுறமும் சுற்றி என் நா குழற,
சிகையைக் கலைந்து என் சிந்தனையைச் செலுத்த,
வானத்தைப் பார்த்து விழிகள் அகல விரிய,
மண்னைப் பார்த்து விழும்
தாடையை என் கரங்கள் தாங்க

பக்கத்தில் போகும் மடந்தையில் என் கவனம் சிதற :-)
நாளை எழுதுகிறேன்..

கலைந்த காலைப் பொழுதுகள்

2007-03-06T13:01:00.000+06:00

1ம் தேதி சில/பல ஆயிரம் ரூபாய்களை நம்ம வங்கி கணக்குல பார்க்கிறது அலாதியான சந்தோஷம் ! சும்மா அதுவும் smsல (சிறு செல்பேசி செய்தி..) சம்பளத்தப் பார்க்கிறது ரொம்ப சுகம்! மாதா மாதம்..வேலை பார்க்கிறேனோ இல்லையோ ,30/31 இரவு சம்பளம் வர்ரதை பார்க்காம இருந்தது இல்லை .எததனை பேர் இந்த அற்ப சந்தோசத்தை உணர்ந்து இருங்கீகன்னு தெரியல ! உணராதவங்க கண்டிப்பா உணர்ந்து பாருங்க..!
2ம் தேதி 100ரூபா இருக்கும் அது சோகமான விசயம்.:-(

மலறும் நினைவுகள் ! நினைச்சிப் பார்த்தாலே பூரிப்பா/சிரிப்பா இருக்கு !

மறக்காத கலைந்த காலைப் பொழுதுகள்..!
கி பி 2002 மார்ச் ..அழகிய சிவகாசி மாநகரம் செம்மண் காடு ! சனிக்கிழமை காலை 5-15மணி சூரியன் விழிப்பதற்க்கு முன்னர் ஒரு 3 VIP (வேலை இல்லா பட்டதாரி) வாலிபர்கள் திக்கு தெரியாம சைக்கிளில் சுத்திக்கிட்டு இருந்தோம் . ( இப்பவும் IT MNC la வெட்டியாதான் வேலை பார்க்கிறோம்.. ) பேருந்து நிலையத்தின் அருகில் உள்ள டீக்கடை!
தினந்தந்தி,தினமலர்ல ஏன் வெறும் 10 பக்கம் மட்டும் இருக்குதுன்னு வருந்தப்பட்ட காலம்..:-)

வெறும் உண்டியல் காசு 8.50ருபாயல எங்கள் டீக்கடைக் கனவு ஓரு செல்பேசி,கணிணி,வண்டி (கட்டாயம் இல்ல).

சாயங்காலம் 4-30மணி.
எதிரில் 1500ரூபா (மாச )சம்பள வேலைக்கு எங்கள் சிநேகிதன்(கனிணிப் பொறியாளன் 75%) சைக்கிளில் செல்கிறான்.. நான் என் பக்கத்தில இருக்கும் நண்பனிடம் கேட்கிறேன் "ம் ! நாமல்லாம் எப்படா வேலைக்குப் போறது? " அவன் "டேய் நாமலும் வேலைக்குப் போவோம்,சம்பாதிப்போம்.ஆனா அவன் ,நம்ம இப்ப இருக்க மாதிரி இனிமே ஜாலியா இருக்க முடியுமா? அவன் கொடுத்து வைத்தது அவ்வளவு தான் ..."

[அந்த 1500ரூபா சம்பள வேலைக்கு நான் முயற்சி பண்ணினது வேற விசயம் :-))

எங்க பக்கத்தில டீ குடிக்கிற பெரிசுகள சமாளிக்கிறது ரொம்ப கஷ்டம்
தம்பி என்ன படிச்சருகிங்க?
BE அப்படின்னா? எஞ்சியனியரிங்..
ஓ ! எத்தனை வருசம் படிச்சிங்க?
4 வருசம்
4 வருசம் படிச்சு வேலை கிடைக்கலையா? தம்பி முதலில் எந்த வேலை கிடைச்சாலும் அதில சேர்ந்திருங்க.கூச்சப்படாதிங்க..

""யோவ் ! 12 மாசத்துக்கு முன்னாடி appointment letter கொடுத்தான்,, வேலை சேர்ரதுக்கு 3மாசத்துக்கு முன்னாடி வர வேண்டான்னு சொல்லிட்டான் "" அப்படின்னு அவர்கிட்ட சொல்லக்கிட்டு இருக்க முடியாது..

மௌனம் ! வார்த்தைகளை விட மௌனத்துக்கு பல அர்த்தம்/பலம் இருக்கும் அது எல்லாருக்கும் புரியாது... புரிய வைக்கவும் முடியாது. எதிராளி கண்களை/முகத்த பார்த்து பேசினாத்தான் அது தெரியும் ! மௌனத்த பத்திப் படிக்கனும்ன "ஊருக்கு நல்லது சொல்வேன் " தமிழருவி மணியன் புத்தகத்தைப் வாசித்துப் பாருங்க." அருமையான புத்தகம்.

கி.பி 2007 மார்ச் 3 5 வருச வாழ்க்கைல எனக்கு 5எண் சம்பளம் கிடைச்சது தான் மிச்சம்.! இப்பவும் எனக்கு பல சனி/ஞாயிற்றுக்கிழமை காலைப் பொழுது தூக்கம் வர்றது இல்ல..வாழ்ககைல எப்பவும் நம்மல கண்ணுக்கு தெரியாம ஓரு சூனிய/தனிமை உண்ர்வு துரத்திக்கிட்டு வரதுன்னு நினைக்கிறேன்...! பார்ப்போம்..! அது ஆயிரம்/லட்சம்/கோடி ரூபா சம்பாதித்தாலும் விடாதுன்னு நினைக்கிறேன்

இந்தா வந்துட்டேன்..!

2007-02-19T13:28:00.000+06:00

இந்தா வந்துட்டேன்யா வந்துட்டேன் ...என் கிறுக்கலை ஆரம்புச்சிட்டேன்..
முதலில எதுக்கு எழுதனும்னு யோசித்தேன்..சரி
"There is no errors and mistakes in life only experiences " Thx Alchemist.. படிச்சேன்.
அப்புறம். உன் காசா ! என் காசா போகுது..

ம்.ஒரு பெரிய கணிணி வல்லுநர் நேர விரயம் தான்.. இருந்தாலும் சில/பல நண்பர்கள் வேண்டுகோள்க்கு இணங்கி எழுத ஆரம்பிச்சுட்டேன்..!

சோழர்கள நம்ம குறை சொல்ற மாதிரி என்னை வருங்கால சந்ததியர் சொல்லக் கூடாது..
அதனால என் சுயசரிதை,வாழ்க்கை சம்பவங்கள் பத்தி இங்க எழுதுகிறேன்..
சரி எனக்கு ரொம்ப பிடிச்தது "வாழ்க்கை","காதல், "புத்தகம்" சந்தோசம்.

முதலில் வாழ்க்கையைப் பத்தி எழுதாலாம்னு நினைச்சேன்..
"வேதாந்தம் சிந்தாந்தம் பேசாதாடா பேசிப்புட்டா வாழும் காலம் பத்ததாடா.."

அப்படின்னு நம்ம "கவிப்பேரரசு" பாட்ட கேட்டு மாறிட்டேன்..!
நியாயம் தான் 10,000 வருசம் முன்னாடி உருவான பூமி பத்தி நம்ம 50 வருசத்திலஆராய்ச்சி பண்றது முட்டாள்தனம்..!

அடுத்து காதல்.
25வயது பையனுக்கு/பெண்ணுக்கு எப்படியும்
alteast 3 காதலாவது இருக்கும்..
system appdi.. ! windowsla bug இல்லைன்னு சொன்னா உலகம் நம்புமா..?
ஆனா காதல் எனக்கு அந்த அளவுக்கு அனுபவம் இல்லை..(:-))) )

ம்.ம் சரிங்க பாஸ் ! என் முதல்/கடைசி காதல் அனுபவத்தையும் எழுதுறேன்..!

நான் பார்த்த மனிதர்கள் பற்றி,தினம் என்னை பாதித்த விசயங்கள் பற்றி,என் கனவுகள்,
கவிதைகள்,கதைகள் எழுதப் போகிறேன்..!